O Concello de Ourol está a organizar o XXVII Encontro de Maiores, que terá lugar o vindeiro domingo, 6 de decembro de 2026, no Restaurante Louzao, en Viveiro.
Unha xornada especial para compartir, desfrutar da boa compañía e celebrar o encontro das persoas maiores do noso concello.
A xornada incluirá unha comida e música en directo!
Quen pode participar?
As persoas de máis de 55 anos empadroadas no Concello de Ourol.
Tamén poderán asistir:
- Cónxuxes non empadroadas/os, aboando o prezo da entrada (50,60 €).
- Cónxuxes empadroados/as que non cumpran o requisito de idade, aboando igualmente 50,60 €.
- As persoas dependentes poderán acudir cunha persoa acompañante que estará exenta do pagamento da entrada.
Prezo: gratuíto para as persoas empadroadas que cumpran os requisitos de participación.
Importante: todas as persoas asistentes deberán recoller a súa entrada nas dependencias municipais.
Agardamos contar coa vosa participación para compartir unha xornada chea de alegría, convivencia e bos momentos!
Concello de Ourol | Servizos Sociais
